上兩個禮拜講過，X記寬頻嘅服務認真唔掂，結果最後搬竇上番網，折騰兩個幾禮拜，我個人其實係沮喪多於憤怒；唯一好事係呢段期間返到新居，即刻好似同呢個世界中斷聯絡，個人諗嘢反而清晰得多，賭波注碼早落，反而有驚喜喎！
原來一時嘅失落失意，未必係壞事，更證明家有時24小時都有波賭，心癮大、注數太多，只係會肥了莊家，賭波真係要心清腦明。講番推介，爭聯賽3連霸嘅鹿角，雖然喺分數上仍有優勢，但近期聯賽作客幾失意，連續4場不勝；翻查資料，呢隊波近3季半未試過5場作客不勝，今日作客近期主場陷入球荒嘅下游隊大宮松鼠，要重拾王者本色矣！單W捧鹿角應冇走雞。
蘋果波神
近5場往績：WWL//
主客和：鹿島鹿角勝
心得：日聯王者作客唔識贏？