成奎安病逝，波友羅家英和契女陳道然（蘭子）深感傷痛。早前大儍在養和接受治療，家英哥不時抽空探望，他昨日在電話說：「其實早前佢喺醫院情況已經好差，不過大儍仲好堅強撐落去。我識咗佢計計埋埋都十幾年，佢份人好有義氣，待人又坦誠。」
大儍生前那件事令家英哥留下深刻印象？他說：「踢波啦，佢每次落場都好投入，大儍係守龍門嘅，我最記得之前我哋去台灣同木蘭女子足球隊比賽，嗰場大家都踢得好落力，好精采。」
至於大儍的契女蘭子，她昨日表示未參選港姐前，大儍不時帶她夜蒲見識，二人感情很好，98年大儍還親到台下見證蘭子摘下亞軍。蘭子昨日獲悉大儍病逝，她在電話哀傷的說：「我知道佢離開咗嘅消息後，我成個人呆咗，個心抽住好痛。」
蘭子：佢好溫柔
蘭子印象中的大儍，為人有情有義，她說：「佢個樣雖然好惡，但其實得把聲，佢內心對人好溫柔細心，人緣又好，我最多謝佢成日同人講我係佢契女，叫人唔准蝦我，好感動。
採訪：比華利