華仔就好似我偶像巴治奧一樣，係殿堂級，就算你唔係佢「粉絲」，通常都唔會對佢太反感；佢另一半終於曝光，成為全城熱話，真係祝福佢都嚟唔切。藍鑽石豆丁年代由一路睇《獵鷹》一路唱住威利嗰句「胸襟早懷大志……」，到受自己阿姨影響睇《神雕俠侶》、《奔向太陽》，仲有之後嘅大量電影，從不間斷。大概10年前，我同佢喺某場合興奮合照，點計我都算係佢「粉絲」，最唔明點解啲人彈佢負心，感情事外人點會明？你又知佢冇盡過為「夫」之道？
我就好現實，只知華仔係一個27年嚟努力不懈、不斷增值為港爭光嘅超級藝人，呢樣已值得愛戴；我愛嘅仲有AC，今晚贏唔贏唔知，至少合演場「大」戰。
藍鑽石
近5場往績：LWW//
入球大細：AC米蘭大
心得：雙雄後防都唔穩