先排朋友里奧同雪莉，都追睇三色高清台播嘅大陸版《射雕英雄傳》，仲猛咁話好睇；查實唔止佢哋，連我老竇都話啲大陸劇水準高，更向我推介《三國演義》。我都知大陸劇製作認真、卡士又勁，唔似三色台咁馬虎，冇劇情之餘兼唔合邏輯，啲廠景亦超假；但係我唔太喜歡睇古裝，加上大陸劇集數太多，節奏亦相當慢。所以，通常得10集左右嘅日劇，始終係我首選，近排我仲追緊《救命病棟24時》第4輯㖭！
上周靠吾中推介嘅芬洛「大」，打開今季喺〈蘋果開倉〉嘅勝利之門；愛隊紐卡素今季由英超跌落英冠，走咗唔少球星，但實力仲好超班，睇嚟下季有機會上番英超。禮拜一佢哋主場對李斯特城，SureWin。
青蛙仔
近5場往績：WLL//
主客和：紐卡素勝
心得：紐記喺英冠超晒班