【上屆盟主】
8月將盡，我今個月表現麻麻。檢討得失，我最失敗地方係唔能夠揸定宗旨，只專攻自己熟悉嘅聯賽；反而人云亦云，見某個唔多熟悉嘅聯賽有隊波好似幾好，就跟住買。8月最後一次〈開倉版〉，我決定推介自己熟悉嘅聯賽同愛隊，就算輸都心甘命抵，所以今次撐荷甲勁旅阿爾克馬爾（AZ）！
衞冕荷甲嘅AZ，近3場全勝入10球失0球，今迎威廉二世時「讓球主客和」開[-2]，照捧「主勝」。首先，AZ今季教練由雲高爾換咗朗奴高文，踢法變得更主動，唔似上季咁成日贏1:0、2:0，而射手艾咸達奧腳風亦順；球隊自第2場聯賽後，就一直有後衞史華斯同前鋒加斯安奴柏利停賽，球隊習慣咗、影響唔大，今役該可大勝威廉二世。
威廉二世近3場聯賽全敗，球隊前鋒好似唔記得帶射門鞋咁，今役就算可能有前鋒迪莫治復任正選，相信亦難逃一敗。
英冠榜首隊卡迪夫城近況大勇，冇咗射手羅斯麥哥馬克唔緊要，前鋒祖柏近6場入8球；周六訪實力一般嘅唐卡士打，單W竟有2.15倍，雖然有鬼盤feel，但賠率咁好分，一於唔驚追寶尾。至於英冠早場諾定咸森林迎打比郡，兩隊都冇贏波板斧，和波合理。另外，我愛隊利物浦俾人一沉百踩，但周六訪保頓時，淨係靠質都夠贏，冇理由開唔到單W。
海灣者單W可捧
美職聯西雅圖海灣者近況係差，近9場只得1勝，但周六迎FC多倫多時有射手費迪蒙迪路復出，而多倫多又有中場卡爾羅賓遜同後衞沙里奧斯停賽，海灣者單W可捧。新英倫革命有前鋒基利杜比當銳，周六對手聖荷西地震則有後衞積臣靴南迪斯同中場伊恩羅素停賽，直取革命[-1]嘅「主勝」。
吾中
近5場往績：LWL//