鍾欣桐（阿嬌）首齣舞台劇《星爸阿爸》前晚正式公演，大批公司兄弟姊妹齊來撐場，已分手的男友麥浚龍雖冇現身，但仍送上全場最大的花籃祝賀舊愛。而阿嬌全晚以五個不同造型演出，其中更以deepV晚裝上陣，表現落力話喊就喊，但明天日場始終因票房欠佳而被迫取消。
年初正式復工的鍾欣桐（阿嬌）的首套舞台劇《星爸阿爸》原定在灣仔演藝學院合演6場，但據知由於明天日場的票房欠佳，只售出約一成門票，故此臨時決定取消，但大會只以技術理由作為取消原因。對此英皇負責人馮先生昨日在電話中回應：「其實係技術問題，因為開騷後發覺兩日做四場負荷太重，所以商量之後都係決定取消嗰一場，嗰場我哋只係放咗少少飛出去，已經全部搞晒退錢，同票房係冇關係。」
話喊就喊
前晚首場演出，大批阿嬌的好友包括張家輝、黃耀明、蔡卓妍（阿Sa）和鄭希怡，甚至嬌媽和嬌妹等皆到場支持，而楊受成夫婦及謝霆鋒和張栢芝雖沒有現身，但亦送上花籃祝賀，而和阿嬌已分手的麥浚龍（Juno）也送上全場最大的花籃為阿嬌打氣。
當晚阿嬌以五個造型在劇中出現，包括有軍look，棒球款睡衣、婚紗及浴袍，其中以一套低V晚裝最為性感，當阿嬌穿起這套晚裝出現時，全場嘩然。阿嬌與陳淑儀及邵美君最多對手戲，當劇情需要阿嬌喊時，她竟可話喊就喊，表現落力，謝幕時陳淑儀不忘再推銷門票說：「家仲有少量門票，大家可以睇完再睇。」
自爆蝦碌
訪問時阿嬌表示滿意首場演出，不過當中都有不少蝦碌，阿嬌自爆：「好似熄咗燈我唔小心踢跌水，個道具電話又跌出嚟，但好彩對白就冇甩漏。」阿嬌又笑說：「阿Sa話我謝幕時一定會喊，但我又忍住吞番落肚。」
提到前男友Juno送來花籃，阿嬌說：「我有請佢嚟，但佢唔喺香港，唔知佢幾時返。」阿Sa又表示叫齊朋友來捧阿嬌場，記者笑問有沒有叫「基基」，阿Sa即甜笑說：「邊個？李龍基？我唔識佢喎。」
採訪：馬建華
攝影：彭琮然
