哈哈，估熱刺翻冧2:1，結果佢哋勒住贏卻翻開5:1，班後備軍果然唔使留力，周六聯賽出番主力迎伯明翰，賠率熱極，唔使急住博早飛，留待明天評論。今天又係為周末熱身嘅日子，頭尾場單W阿德萊德聯串巴塞隆拿，唔貪心兼有耐性，呢注應該幾穩陣。
多年未見嘅英國波都發生騷亂，其實韋斯咸個烏普頓公園球場，小弟去過兩次，一次佢哋踢英冠對克魯，一次係對阿仙奴，可能倫敦東面冇咁繁榮，周圍亦好多唔同種族嘅人居住，都幾「雜」，入夜散場自己一個遊客周圍行都要小心啲。兩班波嘅球迷一早係有宿怨，但英國經濟經歷金融海嘯，應該差咗好多（英鎊都貶值咗兩成）；但英超班球星嘅人工卻係天價，再唔打多啲爭氣波，因住下次發洩對象唔係敵對球迷，係呢班腰纏萬貫、揸跑車嘅大款。
魚腩「北昆」唔夠班
今日頭尾場都有直播，澳職喺公司有得睇，同好多賭友一樣，注碼唔會比落喺巴塞度少，「北昆」屬澳職魚腩，面對上屆不斷喺亞冠盃睇過嘅「阿聯」，應該唔夠打，但單W冇肉食；德乙荷甲又唔合胃口，贏錢係要有耐性，一於捧埋尾場巴塞W捧盃，2串1當一場波賭好過。（下次見報日：周六）
文：Leung
簡介：不理盤路，不信陰謀論，最重勤力睇波，跟足軍情，吼準一擊。
今日精選
星期五1阿德萊德聯勝(1.42)x
星期五10巴塞隆拿勝(1.33)2x1
星期五1阿德萊德聯勝3:0(12),3:1(10)x
星期五10巴塞隆拿勝3:1(8.5)2x3
簡評：2串1當一注賭，若只想為周末熱身，50蚊攻波膽更妙。