女兒Lucy已7個月大的張燊悅，由懷孕至今一直深居簡出，昨日她在四季酒店現身時裝騷時，自言重出江湖。身穿闊身裙的她腹部微隆，惹來再度有喜疑雲，她表示雖未有設防，但造人尚未成功，並表示自誕下B女後，至今依然吃薑醋補身為下一胎準備。
在中環四季酒店舉行的MasterCardLuxuryWeek時裝騷，前晚繼展出美籍華人設計師DerekLam的秋冬新裝，昨日有美國品牌KateSpade登場，混血名模AmandaS.夥拍師妹、有翻版徐子淇之稱的鍾浠文行騷。
女兒是開心B
自7個月前為教育局局長政治助理楊哲安生下BB女Lucy的張燊悅，昨日產女後首度現身看騷，她笑言重出江湖說：「家可以去吓活動。」她身穿芥辣黃連身裙，腹部微隆，記者問她是否再度有喜，她說：「冇，BB喺屋企，未有咁快有，都唔想咁快瘦，太快收身會唔夠營養畀下一個，所以家仲食緊薑醋，生BB之前重咗30磅，家同大肚之前差8磅。」
張燊悅透露B女Lucy現時7個月大，重20磅，記者笑她可以湊B減肥，她笑說：「係呀，家抱佢抱到虎背熊腰、麒麟臂，不過好開心，因為佢係一個開心BB，啱啱識叫爹哋媽咪。」有否計劃生第二胎，會否不設防積極再造人，她說：「唔使計劃，其實結婚後已不設防，唔係話有就有，呢啲係天意。」
Amanda再拍無綫
此外，AmandaS.透露將會到馬來西亞比較落後的地方拍攝無綫特輯，她說：「嗰度10點冇電冇熱水，已打晒針，準備晒清潔用品，都有心理準備冇水冲凉，自己15歲嗰時會頂得到，家都唔知點算，不過我男友笑言係一個好經驗，因為喺香港太舒服、太公主，可以當一個挑戰。」
採訪：LawWaiMan
攝影：WongWaiHung、DickyChan