范萱蔚同啤梨噚日去新城宣傳新歌《我們結婚了》，佢哋近排不停為結婚代言工作影結婚相同擺酒，啤梨踢爆范萱蔚影完相之後就好恨結婚，相反佢就覺得好煩，如果他日要大搞婚禮，都係為咗太太。講到劉德華拖朱麗倩公開關係，佢哋覺得係好感動嘅事，雖然網上有好多人批評之前華仔唔認朱麗倩，但佢哋都異口同聲大讚華仔好有責任感。