演戲經驗不多的陳偉霆（William）、詩雅、鄧紫棋（G.E.M.）、何尚謙（James）和寰宇新人林司敏（Ciwi）最近拍攝電影《愛出貓》，他們扮演一群無心向學的中學生，因校長下令若考試成績差，便取消他們在畢業禮中的歌舞劇演出，於是乎他們各出奇謀，希望靠出貓來取得好成績。劇中他們的出貓技巧固然令人眼界大開，不過連場的歌舞表演都令人留有深刻印象。
兩女夾攻當補償
雖然William是跳舞高手，但他亦因拍攝高難度動作而受傷，他日前說：「嗰日綵排原本話我跪喺地下，再蹺住兩隻腳用膝頭轉圈，第一次綵排都好順利，但第二次試跳，我失重心坐咗喺隻腳度轉，我仲聽到腳筋『卜』一聲，隻腳痛到掂唔到地，原來我整斷條韌帶同埋膝頭嘅舊患，好彩排舞師介紹咗個醫生畀我，雖然醫生要我休息，但係我真係唔想影響進度，所以惟有死頂，到家都仲未叫做好番。」William還笑稱導演對他不薄，安排他周旋在詩雅和Ciwi之間，可以補償他的痛苦。
採訪：何慧斯
攝影：仇志德