浸會大學校長吳清輝明年退休，校方已經開始獵頭搵新校長，據聞初步有五個人入圍，傳聞科大現任行政及總務副校長黃玉山（圖）都有份。黃玉山牌面睇當選機會好高，因為佢身兼全國人大代表，符合浸大校長「愛國」傳統，加上校董會主席王英偉都係人大，黃玉山當選無難度。
不過，黃玉山早前否認自己有意跳槽，有學界人士稱，其實黃玉山對浸大都好似冇乜感情，雖然佢係浸大前身浸會書院舊生，但卻從來唔喺履歷表上提及呢段歷史，原因不明。有口痕友話搵新校長何需捨近圖遠？合適人選不在天邊，就在眼前，新任浸大當代經濟研究所所長薛鳳旋係前港區人大代表，「紅」心壯志無可置疑。