楊思琦同鄧健泓日前同過百位小朋友同家長講故事，呢次佢哋揀咗《獅子王》呢個故事，楊思琦同鄧健泓仲投入到頭上戴咗卡通飾物，邊講邊手舞足蹈，小朋友都聽到入晒神。佢哋仲做埋評判，揀出扮森林小動物最突出嘅小朋友。楊思琦話：「估唔到一講故事，一邊加啲遊戲喺裏面，就變得好生動，第時我哋做父母，都識用呢個互動方法講古仔。」