吳宇森監製、台灣導演蘇照彬執導的《劍女江湖》將於10月開拍，演員除了有楊紫瓊、韓星鄭雨盛、徐熙媛、余文樂和林熙蕾外，還會有吳宇森的愛女吳安吉扮演殺手。
記者昨日致電吳安吉的經理人張家振求證，他說：「阿John（吳宇森）細女好鍾意電影，之前佢已經拍過紀錄片做導演，家又想試吓幕前，佢爸爸就叫我畀機會佢試吓。」
張家振指吳安吉曾在美國學過功夫，身手應該不錯，做殺手角色應該沒問題，張家振說：「阿John好想我加重安吉戲份，但我就覺得佢第一部幕前演出，最好畀少少戲佢演吓，睇佢做成點再算。」問到《1949》會否開拍？張家振表示解決不到版權問題，故已放棄。
採訪：李全