所謂生老病死，有一門業務唔愁冇生意，但好多人都有忌諱。事實上，港股至今並無從事殯儀業務之上市公司。星俠曾問過一些散戶，若然有呢類公司上市，會否投資？亦有散戶話唔介意投資，因為業務具概念。
停牌逾三年的寶福（021）昨日復牌，大升261%，收報0.85元，當然矚目。有散戶開玩笑話，若有人唔熟悉股市，純睇公司名稱，可能以為係從事上述業務的新股上市。散戶有時口不擇言，且當作笑話，百無禁忌。
H1N1甲型流感個案在港已突破萬宗，情況值得關注，問題係特區政府好似無乜嘢做過。醫學界早前曾指出，9月係新型流感進入高峯期，唔知係咪呢個原因，內地股市的醫藥股，昨日唔少漲停板。
跌穿1.15元止蝕
從事研發疫苗的海王英特龍（8329）昨大升23.2%，收報1.38元。港府於9月初為新型流感疫苗招標，唔知係咪有人憧憬該股有望中標而炒高，股價昨一舉升破3條短中期平均線，伺機短炒一轉，目標價1.75元，跌破1.15元止蝕。
方星俠