話咁快又到期指結算，但係個市仲係好靜，恒指反覆上升21點，成交買少見少。不過千祈唔好唔理個市，引伸波幅越跌越低嘅時候，亦係大戶部署下一輪攻勢嘅時候。
咁要睇實乜嘢股？一於吼實滙豐控股（005）、工商銀行（1398），中國人壽（2628）同埋一線地產股。
兗煤C輪18008：兗州煤業（1171）昨收11.92元，升0.3%。股價近日喺12元附近橫行，但有迹象抽上，升破12.30元有機炒上13至13.60元，可以諗吓隻C輪18008。
隻輪現價17.3仙，2010年3月25日到期，行使價14.88元，溢價39.3%，引伸波幅73.6%，有效槓桿3.2倍，正股升上13.60元，18008睇25.8仙，如果正股跌穿11.20元，就沽咗隻輪止蝕。
俊樺