現年41歲的玉女掌門人周慧敏（Vivian），前晚穿上野性的豹紋晚裝亮相Escada秋冬時裝騷。首次穿上豹紋裙的Vivian感到親切感，因與她的愛貓周慧豹好相似，不過她表示不會買豹紋內衣老公倪震，也不會替丈夫買貼身內衣，婚後的她仍然未有生育計劃。
由MasterCard舉辦的LuxuryWeek，前日第二日舉行，名牌時裝Escada晚上在中環四季酒店舉行時裝騷，邀得周慧敏擔任嘉賓，有份出席的包括趙式芝、莫何敏儀、Rosemary和陳姿允等，名模LisaS.及AnaR.等則示範秋冬新裝。
首次着豹紋
一向走玉女路線的Vivian罕有地穿上野性的豹紋晚裝，她說：「品牌畀咗8套衫我揀，我揀咗呢一套，都係第一次着豹紋衫，好有親切感，同周慧豹好相似，令我心情喜悅，心情好信心都會大啲，今日冇帶佢嚟怕控制唔到。」婚後倪震可禁止性感？她說：「唔會，佢知我有界限，如果着得好睇都會接受。」
問Vivian平日可會替老公置裝？她說：「都有，但隆重場合嘅衫佢會自己買。」至於會否買豹紋內衣老公倪震，她說：「唔會，貼身嗰啲唔會。」她又透露現時以代言及慈善工作為主，收入都足夠，早前她去了台灣賑災後，更報名再為災民打氣，熱衷慈善工作的她，卻未有計劃生兒育女，她說：「計劃都係冇變，不過世事無絕對，暫時冇計劃住。」
火辣內衣騷
同場的Rosemary狀態大勇，她說：「好開心，家忙緊音樂project，平時有行山同出海玩。」近日有人出海遇事身亡，問她可會擔心？她說：「我出海前會食暈浪丸，所以唔會飲酒。」
此外，前晚舉行LaPerla內衣騷時，模特兒穿上性感火辣內衣及喱士睡衣行騷，令現場氣氛高升。
採訪：LawWaiMan
攝影：MatthewLam