我求大俠對於前英格蘭後衞蘇甘保,終於落實加盟由前英領隊艾歷臣做足球總監英乙球隊諾士郡,一啲都唔意外。梗係啦,佢周薪有4萬鎊(約51萬港元),好多英超球隊都俾唔到呢個價,而且佢嘅周薪仲高過晒其餘隊友周薪嘅總和,而球隊領隊麥柏蘭嘅年薪亦不過係6萬鎊。不過,34歲嘅蘇甘保就話自己唔係為咗錢而係為理想,仲話有信心協助球隊一直升班上英超,圓自己再踢英超嘅心願。蘇甘保簽咗諾士郡5年,如果佢唔續約嘅話,咁諾士郡咪幾乎要一年升一級,佢先至可以夢想成真?