梁漢文和方力申最近同期出碟，為支持台灣賑災，他們後日會在銅鑼灣舉行「愛心2賣日」，到時歌迷用$160就可以購買兩人的新碟。今次兩人更出錢出力，互購對方100隻新碟作支持，他們的好友鄭中基也揚言會作出支持。
兩位金牌大風的好兄弟梁漢文（Edmond）和方力申同於本月推出新碟，小方的新碟《7年》已經推出，至於Edmond的新碟《Love&Peace》也在日內發售。由於早前台灣發生水災，兩人決定後日（29日）在銅鑼灣CEONeway舉行「愛心2賣日」，歌迷花$160便可同時購得兩人的新碟，籌得善款將捐給香港紅十字會協助台灣紅十字會作賑災之用，可謂一舉兩得。
叫鄭中基幫手宣傳
Edmond和小方日前在唱片公司接受訪問，剛巧兩人的好兄弟鄭中基路過，他們即時拉住鄭中基幫手宣傳，更呼籲他到時一定要鼎力支持，鄭中基也揚言必定支持兩人。
Edmond和小方除了出力外，更已互購對方100隻新碟，他們笑說：「互相支持，當捐錢，啲碟會送畀朋友，又可以再拎出嚟捐畀紅十字會，咁就可以錢搵錢，捐多啲錢。」
兩人早前都有出席賑災活動，Edmond坦言心情矛盾，他說：「我都唔想再做呢啲慈善活動，因為太傷感唔好，太開心又唔好，最好少啲呢啲騷。其實99年台灣大地震，我都身處其中，當時自己好驚，家見到災民片段都覺得好慘，所以一定要幫。」
小方撐Stephy出晒面
此外，小方和Kary前晚戴着口罩到尖沙嘴出席商台活動，Kary指因為咳嗽所以戴口罩，小方則謂沒探望Stephy，他說：「佢咁多朋友探唔使我啦，我撐佢都撐到出晒面啦。」有指黃柏高轉了風水師，令金牌大風藝人的是非不絕，小方說：「邊有咁迷信，風水唔係絕對影響公司，否則咁簡單人人都做到天王天后啦。」小方昨日接受港台訪問時又透露Stephy差不多痊癒，相信這個星期她可復工。
採訪：胡比、王連連
攝影：陳俊強、仇志德
髮型：MoeofChin.G（梁漢文）、VincePangofILColpo（方力申）
