任達華昨日到中環宣傳迪士尼萬聖節的活動，華仔更一身黑色打扮化身外星生物情報局指揮官。華仔坦言因愛女放暑假，盡量減少工作陪伴女兒，他笑說：「我上星期先同佢去迪士尼，又去咗海濱公園放風箏，自己仲想設計一啲活動同囡囡嘅同學仔一齊去迪士尼探險㖭，畀機會佢哋有團體活動。」
稱港姐唔及港男
華仔早前擔任港姐評判，對於今屆港姐收視創新低，他抵死說：「啲人鍾意睇港男呀，應該叫無綫同迪士尼搞選美活動，啲女仔唔夠包裝。」至於將來會否讓女兒參加選美時，他一口拒絕，更坦言只想女兒開開心心，就算她將來要入娛樂圈，也希望是以另一個方式，而不是捱更抵夜拍戲的藝人。
採訪、攝影：StephenieYeung