劉德華收埋朱麗倩24年，雖然無名無份，不過他一直十分照顧自己的女人，二人於85年開始拍拖後，據知華仔為免跟女友異地相隔，翌年即介紹她到好友鄭明明的化妝學校上課，更委託鄭明明照顧朱麗倩。
來港學化妝
記者昨日致電鄭明明求證，她表示近年已少聯絡朱麗倩，但從報道中獲悉華仔終肯以行動確認朱麗倩的妻子身份，她說：「我都戥佢哋開心，如果真係有埋仔女，就最圓滿。」
鄭明明坦言對朱麗倩印象深刻，她說：「當年佢同妹妹一齊嚟香港學化妝，佢哋都好乖好有禮貌，我特別留意朱麗倩，因為佢好白淨又靚女，好有氣質，學化妝時好少出聲，但就好勤力，吸收能力好強，佢哋都喺我度學咗幾個月，不過我就一直唔知佢同華仔拍拖。」
採訪：比華利
由新潮到賢淑
原名朱麗卿的朱麗倩，特地改了藝名圖在娛樂圈大展拳腳，沒想到85年獲選新潮小姐季軍後不久即邂逅華仔，隨即被「收歸」劉家，從此放棄聲色犬馬的娛樂圈生活，甘心為愛郎隱姓埋名24年，無名無份也無怨。
