看了多少球賽，發現今年真的驚喜多多，也許有些更加屬於驚嚇！可能看得不多也不精，但真的多少有點嚇窒。
先講英超，熱刺的超強勢彈出是一萬個估不到，果真是百年一遇！3連勝作客都可以入5球，雖則侯城真正弱過藥材舖，但迪科爾也未致那麼「弗」嘛！英超榜首，到底多少年未坐過？
第2驚嚇的是曼城曉士，未開季前我心想該白頭佬及車路士的安察洛堤，都會是季初被炒的一批，誰不知當下兩隊都全勝！車路士算做好本份，但曼城連一向防守弱、作客曳的弱點都改善了，英超得你一隊未失波，即使是季初都俾你嚇壞。
雲高爾最得人驚
說起教頭，拜仁那雲高爾更得人驚！教巴塞的輝煌、高姿態帶阿爾克馬爾奪荷甲再高姿態重返歐洲4大聯賽，雲高爾的高低起落精采盡現；不過現在由他率領的拜仁卻一沉不起，踢畢3場贏波未見，下場對禾堡又可否開齋？如果雲高爾是第一個被炒的大牌，更驚嚇。
再來意甲。上周六終於開鑼，戰果正常不過；最驚喜是在戰友們間不太受歡迎的意甲，開鑼日竟有不少捧場客！原來至少蘋果波神、藍鑽石、仙道彬都有看國米對巴里的直播，原因不為意甲精采，實則只為直播時間較「合適」，用以間場，作用甚大。
西甲未開鑼，沒有驚喜，只見「畸寶」用基斯坦奴朗拿度做生招牌，細心一看，附注有的是歐聯、歐霸、世界盃。西甲呢？原來尚未傾掂數。到底直播花落誰家？不打緊，兩個收費台我都有，嚇不到我。
文：守丹