一個喪禮，引證一段24年戀情，劉德華與朱麗倩的關係，早已是圈中的公開秘密，奈何華仔對戀情甚為保密，故一眾好兄弟守口如瓶，如今華仔以行動親證戀情，眾好友皆送上祝福。
劉德華和朱麗倩的戀情，在其身邊的好友早已是公開的秘密，因為華仔有時帶同朱麗倩出席好友飯局，奈何華仔對戀情甚為保密，故一眾好兄弟不敢洩露半句。
朋友被迫扮唔知
前日華仔和朱麗倩手拖手由大馬返港，華仔好友均認為是適當時機公開二人關係。
當年無綫五虎將之一的湯鎮業現於內地，昨日記者致電給他，阿湯也有留意華仔的消息，他說：「手拖手出嚟咪好囉，真係戥佢哋開心，要恭喜佢哋。其實公唔公開係睇佢自己意願，我哋啲朋友係知嘅，不過華仔唔想公開，或者家係適當時間公開。」雖然曾有傳華仔和朱麗倩已結婚，阿湯說：「咁多年我哋未聽佢講結婚，不過家結婚都好贊成，咁樣係一個圓滿結局。」
阿湯又大讚朱麗倩是一個偉大女人，更是100分之101的好女人，阿湯說：「我嘅女人都識朱麗倩，呢啲女人唔易搵又唔易做，佢壓力仲大過華仔，邊有女人可以咁做，成個透明人咁。」不少人認為華仔應給予名份，阿湯說：「要睇華仔啦，希望佢釋放自己，讓大家祝福佢哋咁先完美。」對於網民抨擊華仔在朱父喪禮上處理手法不當，他說：「網民有自由言論，不過家事冇人知，大家表面咁睇，內裏事冇人知。」又有傳華仔已有子女，阿湯表示未有所聞，不過依華仔性格若有子女一定會公開負責任。
家棟讚老細專一
身在外地的三哥苗僑偉昨在電話中說：「公開咁咪好，真係戥佢哋開心，要打去問佢先。」至於曾傳過華仔和朱麗倩已結婚，三哥表示未收過這消息。黃日華昨日在順利邨球場練波，對於華仔公開拖朱麗倩以證關係，黃日華只說：「呢啲嘢問番當事人啦。」
華仔的映藝娛樂公司旗下藝人林家棟在電話說：「都戥華仔開心，咁多年證明華仔係一個用情專一嘅人，好似對工作咁一樣專一又專心。」
採訪：丁寧、魯萍
小八卦：葫蘆佛珠保平安
劉德華和朱麗倩前晚由馬來西亞辦完朱父喪事返港，帶孝的二人除一身素服外，頸上還分別掛了一個小葫蘆（箭嘴示），左手則纏了佛珠，昨日華仔已脫下葫蘆及佛珠，不過左手腕上仍繫着一條紅繩。
堪輿家楊天命昨日說：「小葫蘆同佛珠都有保平安嘅意思，至於紅繩都係佛教嘅物件，同樣會帶嚟平安。」他又指二人甚有夫妻緣：「佢哋兩個無論眉眼同面形甚至形態都似，除咗有夫妻相，仲會好夾。」華仔人中位置突出，楊天命說：「人中靚，即係代表身體健康，想生幾多個細路都冇問題。」麥玲玲則指肖牛的華仔和肖馬的朱麗倩命格相合，兩人都有子媳運。
採訪：比華利
一網講盡：多年媳婦熬成婆
楊過苦候小龍女等足16年，朱麗倩等待拖手公告天下這天卻等足24載。面對連日輿論壓力，華仔終以拖手行動承認朱麗倩地位，人氣離奇止跌回升。
-香港網民-
spiderman：各大討論區網民狂插之下，唔做番場戲點得呀！
pj1101hk：好似張學友咁，結咗婚咪一樣咁受歡迎，都唔知佢怕乜。
fitlow：返到香港都十指緊扣，朱父在天之靈應感安慰。
~wjb4760~：問題係佢不承認也不否認嘅心態！
KINLUNG25：就算遲認好過唔認呀，同埋起碼佢咁多年冇緋聞，佢都係想專心事業呀。
-內地網民-
矯情瓊瑤女主角：可憐這女人。竟然做到這一步。多年的媳婦熬成婆啊。唉。
麻六甲馬七甲：不覺得朱麗倩虧，她付出20年，劉德華也是付出了20年。並且這20年裏他就守着她一個女人，試問多少男人能做到？
-華仔fans-
AWCALB0845：見到你同阿嫂十指緊扣，保護佢出嚟，真係man到爆！
AWCCN00579：今天受的衝擊確實比較大，需要點時間來調適。
資料來源：各大討論區