沙士英雄袁國勇日忙夜忙追蹤神秘病毒，髮絲同研究成果成反比，最近見過袁教授嘅人都同八方講，覺得教授後生咗。早排教授赴京出席流感國際會議更以新look示人，竟然梳到一個斯斯文文分界髮型，有人更話差啲唔認得佢，好彩認得佢件「戰衣」灰色企領西裝咋。
八方睇過新聞處上星期一張流感會議相片，發覺袁教授果然「變髮」成功，成個look青春咗又靚仔咗。自97禽流感之後，袁國勇成為咗傳染病神探，唔單止破解沙士之謎，每逢有乜病菌病毒、血液有菌，甚至舊年連啲痛風藥有發霉菌佢都查得出，幫香港制止咗唔少傳染病，教授忙裏偷閒有辦法換新形象，相信市民大眾都好支持。