劉德華為免地下情浮面，即使外父朱建城病逝也不肯在喪禮上露面，惹來網民及輿論大肆抨擊，結果昨日華仔罕有地和朱麗倩手拖手現身大馬機場。吳君如昨日在洲際酒店出席商台50周年酒會時，指華仔結婚與否跟大眾無關，她說：「我傳過短訊畀華仔，佢回覆話多謝關心，呢啲人哋家事唔批評，要尊重朋友，我支持華仔嘅，佢唔使同外界交代，我同陳可辛都冇名份，咁有共識咪得。」
同場的譚詠麟謂國有國法，家有家規，他說：「佢咁大個人唔使我教，如果有細路仔就要畀世叔伯見吓，冇理由我唔知，若要人不知，唔好畀志偉知，有啲嘢冇話公唔公道嘅。」
楊千嬅說：「拖手出嚟咁開心呀，係好事呀，唔好話華仔被迫，大家唔好批評。」容祖兒也謂家家有本難念的經，最重要是朱父安息。蔡卓妍認為感情事不用交代。
採訪：王連連