大行報告一向畀人專業準確嘅形象，不過華華噚日發現，摩根大通有份報告，封面大大隻字highlight本周精選股（STOCKoftheWEEK），係ShunTak（316HK）。
心水清嘅朋友，甚至係炒開股嘅師奶都知道唔對路，究竟摩通想推薦信德（242），定係東方海外（316）先？封面話詳情睇第四頁，翻開到嗰一頁，先知係想講信德至真。入面當然係咁hardsell信德，不過問題係，成版紙再冇提到信德個上市冧巴。
呢份報告禮拜一發出，信德兩日升近一成，東方海外只升1%，如果有客信份報告買股份、但入錯code變成買316，就真係笑唔出。