尚有五日便卸任的科技大學校長朱經武，上任時為科大訂下成為亞洲麻省理工學院（亞洲MIT）的終極目標；八年過去，他說科大尚欠一大步才達到這目標，希望政府推出科研政策作支援配合。他又認為，香港八間大學不可能間間都達到世界第一流水平，政府及各大學應盡快進行成本分工，「要香港八間大學都變晒做世界一流，係緣木求魚！」
朱經武接受本報訪問時表示，八年前接任科大校長時，訂下了多個發展目標，其中之一是將科大變成亞洲MIT，「希望學校好似MIT咁成為科研龍頭，或者可以做到UCSD（加州大學聖地牙哥分校）咁，只得50幾年歷史都可以對美國貢獻好大。」
批政府周邊配合較弱
他指，學校現時仍朝這目標邁進，但尚欠一大步，「我哋一方面需要時間，你睇MIT都有成百年歷史；另外亦需要政府嘅周邊配合，香港喺呢方面係比較弱。其實做科研一定要有耐性，唔可以追問結果；而一旦有咗結果，就需要將佢商品化，呢方面政府要有工業政策作支援，好似台灣政府就會以低息甚至免息注資入公司發展科技商品。」
發展科研以外，人才培訓對本港同樣重要。朱經武認為本港升讀大學的人數偏低，但這不表示本港需要增加更多大學，反而應着墨於讓本港大學互相分工，「唔同大學有唔同嘅專長，要香港八間大學都變晒做世界一流，係緣木求魚！我認為一定要清楚八間大學要做乜嘢，其實教資會早已訂出各院校嘅roledifferentiation（角色分工），但到今日都冇做costdifferentiation（成本分工）。」
他以美國院校為例，說明院校的理想分工模式，「喺美國分開三種學院，一個係UC（加州大學派系），做科研發明為主；一個係州立大學，培訓四年制大學生；仲有一種係做副學位嘅社區學院，社區學院唔使做研究，相對上堂嘅班數會多啲。佢哋政府亦好清楚唔可能間間變晒做UC，因為唔夠錢，UC嘅成本係社區學院嘅六至七倍。」
各大學應作成本分工
朱經武表示，本港大學可以研究型或教學型作為成本分工的其中一種參考指標。他明白日後進行成本分工後，教育界或會有反對聲音，指個別院校所獲資源較高，並不公平；但他指出，正如醫學院本科生的成本一定較文學院學生為高，希望各界明白訓練不同人才應有不同的方式。
記者 夏志禮