中央近年勁鼓勵搞再生能源，各大電力集團固然落力做，當然唔少得獨立發電公司藍籌嘅華潤電力（836）！唔知係咪想顯示佢哋嘅決心，潤電趁公佈業績，整咗批小風車模型（圖）做紀念品。但詭異嘅係，呢個風車仔係用太陽能推動嘅，睇落好鬼「周星馳」噃。
講開又講，架太陽能風車擺咗喺燈光下大半日都唔識郁，唔知係華華嘅組裝技術有問題，定係因為照住佢嘅唔係太陽，所以仲係未能真正體驗新能源嘅好處。
另外，較早前佢哋曾經講過，會喺未來幾年內，單係為風力發電就會投入超過20億人仔，聽落又真係好有決心咁，不過就冇講過會大搞太陽能發電，話要睇情況。