港股前日話就話出現技術突破，但成交淡靜，唔可以作準。噚日借勢跌番100點，不過成交好奀，只得565億元，反映股民仲係好審慎，等緊機會入市。
花旗股市前晚冇乜大變動，不過睇嚟噚晚會較波動，對今日港股走勢有影響。東亞銀行（023）公佈中期業績，比預期好好多，應該可以吸引基金買盤。
東亞C輪17247：東亞昨收26元，升1.7%。股價短線阻力喺27至28.80元之間，升破將試30元，可以諗吓隻C輪17247。
隻輪現價13.2仙，2010年4月29日到期，行使價36元，溢價43.5%，引伸波幅48%，槓桿率19.7倍（有效5.1倍），正股升上30元，17247有機升上26.1仙，如果正股跌穿24.80元，就沽咗隻輪止蝕。
俊樺