郭羨妮前晚為上海灘新店出任剪綵嘉賓，現正忙於拍劇的她仍然單身，她謂如果遇到合適的對象，不排除閃電結婚；李澤楷舊愛羅愛欣和曾傳緋聞的陳碧舸也有出席，不過兩人未有碰面。
由MasterCard舉辦的LuxuryWeek前晚於中環四季酒店開幕，以上海灘秋冬時裝展揭開序幕，騷後上海灘移師位於尖沙嘴1881的新舖舉行開幕儀式，大會邀請了郭羨妮出任剪綵嘉賓，李澤楷的舊愛羅愛欣（Rachel）和前緋聞女友陳碧舸，一個看騷，一個只出席尖沙嘴的新舖開幕，故未有碰頭，其他嘉賓有葉梁美蘭、潘楚穎、AnaR.及王美雅等。
夥蔡瀾增磅
郭羨妮前晚身穿上海灘最新秋冬珠片背心裙上陣，現正與蔡瀾拍攝飲食節目的她，增磅了不少，她說：「好嚴重，拍嗰日已經肥咗幾磅，所以拍之前一兩日都唔食嘢。」1999年港姐冠軍的她透露有留意今屆港姐選舉，但比起出爐港姐，郭羨妮更有睇頭，她說：「今年港姐三甲我都貼中兩個，我覺得幾好，會一路進步。」她又透露很高興正在播映的劇集《古靈精探B》收視不錯，計劃與郭晉安慶祝。
工作豐盛，郭羨妮感情則一片空白，她說：「感情係零，都唔覺悶，都冇追求者，冇出街點俾人追。」問可會仿效徐淑敏閃電結婚生B？她說：「如遇啱都會，不過唔會做未婚媽媽，都戥佢開心，幾時結婚隨遇而安。」問她不出街又怎能閃電結婚？她說：「係呀，可能要喺呢個圈做好耐。」是否要像汪明荃60歲才結婚？她說：「都幾好，開心事嚟嘅。」
羅愛欣獨身
此外，羅愛欣早前去了法國度假，問她是否與男友同行？她說：「未有男友，都有啲有潛質嘅人追，但未stable。」李澤楷已做了爸爸，可會替自己心急？她說：「未諗住，搵到男友先結婚，要等多幾年，我都有恭喜佢。」李澤楷有了兒子後是否更成熟？她說：「唔知道。」Rachel表示與李澤楷都有聯絡互相關心。
採訪：LawWaiMan
攝影：DickyChan
