小弟開口中，紅軍真係搞唔掂維拉，買Big4預咗有啲咁嘅氣頂場面，有時真係要睇賠率做人；佢哋點可能對上屆強敵維拉只得跌至1.28倍主W，波天天有得賭，大家要識得閃避，唔係鍾意嗰隊波，就真係要真金白銀倒落去喎。
識我嘅人，都知我對熱刺沒有半點好感，但本欄開了兩星期多，贏得最勁就靠呢隊波，賭波不用傾注個人感情。一個千萬鎊工兵柏拉西奧斯，就將整隊波嘅平衡力提升好多；冇沙比阿朗素嘅紅軍，要捱一段日子咯，對住弱隊仲可以靠謝老四，但面對中上游對手，還要求這位神奇隊長回防入禁區阻止維拉嘅李奧曲卡進襲，輸多個12碼，呢隻鑊，誰孭？
單W乏味再攻「大」
今天又係要焗用英聯盃主打，賠率不吸引，軍情唔到開波都唔知。熱刺今天聯賽盃作客英冠唐卡士打一定會盡出副選，以留力周末迎戰卡臣楊嘅伯明翰，到時贏到聯賽4連勝，哈帥真係威到盡；不過今場班坐咗幾場嘅後備一定會去到盡，淨係柏夫里約真高拍高治打雙箭頭就夠得人驚，不過唐軍向來主場有一定戰力，熱刺得1.42倍W，贏呢粒「唐」我冇乜興趣，不如再追極旺嘅2:1波膽，博第3次貼中！
（下次見報日：周五）
文：Leung
簡介：不理盤路，不信陰謀論，最重勤力睇波，跟足軍情，吼準一擊。
今日精選
星期三11唐卡士打大(1.85)
星期三11熱刺勝2:1(7.5),3:1(11)
簡評：唐卡士打主場有啲實力，熱刺勢盛，博「大」好分啲