林敏驄噚日喺尖沙嘴為下月尾舉行嘅演唱會練歌兼開記者會，鍾鎮濤（阿B）同杜麗莎等撐場。林敏驄話之前喺水災騷見到前女友李美鳳，咪開口請佢睇騷，阿B爆阿驄見到李美鳳時震騰騰，所以幫阿驄將兩張飛送畀李美鳳。原本於本月29號喺香港九展開演唱會嘅台灣女子組合黑Girl，想留喺當地救災，噚日公佈演唱會延期，買咗飛嘅觀眾可以退番錢。