伯南克上禮拜唱好花旗經濟前景，果然有啲份量，花旗股市連日回升，上周五道指升超過1.6%，對於近日炒極都唔上嘅港股算係一場及時雨。
恒指噚日升336點，報收20535，不過成交仲係好奀，只得622億元。
再過幾日就期指結算，好淡雙方仲有惡鬥，滙豐控股（005）好似想炒上去，如果滙控做火車頭，港股短線可以睇好啲。
滙控C輪17735：滙控昨日報收84.25元，升1.8%。如果升破86.50元，短線睇92元，可以諗吓隻C輪17735。
隻輪現價1.37元，2010年1月28日到期，行使價75元，溢價5.2%，引伸波幅41.2%，槓桿率6.1倍（有效4.3倍），正股升上92元，17735有機升上1.96元，如果正股跌穿81元，就沽咗隻輪止蝕。
俊樺