一直有追開旦哥喺收費電視嘅節目〈EGG〉，今集又搵幾位讀緊大學嘅「牛奶嘴」訪問「軟硬」兩位本地娛樂界奇才；最後佢哋醒幾位學生第日出來社會做嘢要兩個字：爛砌。我想賭英超，都要識搵啲鬥志強，爛打爛砌嘅球隊，今次追韋斯咸喺聯賽盃主場掃低米禾爾，吐番口輸波嘅烏氣。
貼英超揀爛砌球隊
畀錢睇now除咗主要為咗英超外，最正係佢個遙控有ondemand掣，啱晒我哋呢班日夜顛倒嘅打工仔，揀啱啲精采節目深宵一路睇波一路嘆，仲可以快慢暫停任玩；其中〈EGG〉最啱我㩒番嚟睇，新一集訪問「軟硬」，兩位大哥當然妙語連珠。呢個節目除咗被訪者份量夠講嘢到肉外，最好笑（可悲）係暴露家啲未來社會棟樑嘅不濟，信心不足，多喺度做旁聽不特止，俾人窒兩句嗰位後生仔就黑面起晒槓，「軟硬」笑佢有「刺」。講真，爛砌同虛心受教，家香港啲後生仔又有幾人？
英超隊實力近，賭波有時要識搵啲爛打球隊。蘇拿領軍嘅韋斯咸剛戰聯賽輸俾熱刺有啲唔抵，周中盃仔續主場對低兩班嘅英甲米禾爾，我信佢哋踢盃仔唔會揸流攤；對手近3季最叻都係踢到第2圈，今次作客韋斯咸，要俾呢個英超大佬教訓吓咯。（下次見報日：周三）
Leung
簡介：不理盤路，不信陰謀論，最重勤力睇波，跟足軍情，吼準一擊。
今日精選
星期二22韋斯咸勝[-1]（2.15）
星期二22韋斯咸勝2:0（6）、3:0（9.5）
簡評：降級打遺材盃賽，韋斯咸勢變大老虎。