港股業績進入高峯期，但似乎呢期嘅公司無論事前發盈警或盈喜，大部份股價表現都唔曳，即使係因為發盈警而下跌，過多一陣股價就升返轉頭。
散戶面對呢種情況，不妨換個角度諗，數據係反映過去嘅情況，而股票係炒未來。
停牌三年，終於在今年7月底復牌的洛陽玻璃（1108），最近曾發過盈警，表示中期業績繼續錄得虧損，去年同期洛玻蝕5105萬元人民幣。
其實稍具股齡的散戶都知道，洛玻當年因乜事停牌咁耐，家陣「久休復出」，相信大部份股民都唔會對該公司業績有好大期望，如果公司復牌後即有亮麗業績跟尾，股價又點止企喺家陣呢個位？
洛玻復牌後最高曾升見3.08元，其後展開調整，近日股價在1.90元水平似成功築底。
上望2.4元
玻璃股昨日全面異動，浙江玻璃（739）大升10.7%，收2.58元，洛玻亦升6.2%，收報2.06元，現價可追入短炒，目標上望2.40元，跌穿復牌價1.71元，必須執行止蝕。
方星俠