有時想為環保出一分力，但都要政府嘅配合，好似Prius首席工程師大塚明彥先生就專程嚟到香港呼籲香港政府推動Hybrid汽車發展。大塚先生經常走訪世界各地，發現唔同地方都有唔同優惠吸引人用Hybrid車，好似日本買Prius可享100%稅務寬減優惠、澳洲會設置啲方便專屬車位畀Hybrid車用、而美國更特設環保汽車行駛線道等。嘩！若果香港有咁多着數，實大把人支持環保啦，政府真係應該好好參考。順帶一提，初到貴境叫Prius250嘅環保人氣王，家已簡單命名為Prius，系統總輸出136匹馬力嘅環保先驅，逐漸深受各階層歡迎，慳油慳荷包嘅道理係人都明嘅。
查詢：皇冠車行（28661020）
記者：許維雅