記協前主席張炳玲捲入「我要回家運動」嘅捐款同盜版風波，同「運動」主席朱耀明牧師等人鬧翻，唔少人都覺得好可惜。不過，呢單嘢似乎越鬧越大。朱牧師上個禮拜搵到一位證人接受傳媒訪問，力證張炳玲以個人名義收捐款。
噚日《明報》引述識咗張炳玲十幾年嘅陳志偉話，舊年先後兩次捐咗2.5萬畀張炳玲，兩次都係按對方要求，喺支票抬頭寫上張炳玲個名。陳生話捐錢後，不時收到張炳玲電郵交代工作進展，據佢理解，覺得捐款係畀「運動」而唔係捐畀某一個人。張炳玲回應話，第一次收錢時有問過陳志偉係支持「運動」定支持佢，對方話「你鍾意啦」，第二張支票係陳親手寫上佢個名，不過陳志偉話張嘅回應失實。