一位向來生活平淡嘅47歲意大利村民，據報用咗廿蚊，近日就中咗十幾億港元嘅頭獎，但查實今次意大利超級六合彩嘅大贏家，係當地政府。佢哋自1月以嚟收取累積逾200幾億嘅總投注額，有一半終落入庫房，紓緩財政危機！足智彩亦不斷喺直播場次花盡心思引波友下注，不過利記今天同挪超白蘭恩比較，我點都揀後者出擊。
夢想一朝中六合彩富貴，個夢真係幾甜；但中彩率得6億幾分之一，勤力期期煲當做善事嘅心態會較正確。但勤力賭自己愛隊，有時以為輸咗唔肉赤，自己呃自己啩。
咪咁快睇死維拉
想贏錢，利物浦對住踢過一兩場就周街啲人都識話唔對辦嘅阿士東維拉，個單W賣到1.4倍，熱情飛所致；小弟真係唔敢太睇死作客好過主場嘅維拉，般尼上周中都贏到曼聯，何況係上屆前列嘅維拉。
英超隊之間嘅實力，多數時間唔係差咁遠；要玩獅子撲兔，梗係挪威波。白蘭恩又係上季沉一沉後回起，雖然班波冇莫迪同洛辛堡咁勁，但主場又係超強，已延續7連勝，爭緊入三甲；對手辛迪夫佐特又喺下游，但有一定戰力，單W得1.42倍，不如博冷買[-1]「和」同3.5球入球「細」，好分啲又唔擔心捱夜睇愛隊會輸到氣頂瞓唔着。
（下次見報日：周二）
Leung
簡介：不理盤路，不信陰謀論，最重勤力睇波，跟足軍情，吼準一擊。
今日精選
星期一6白蘭恩和[-1](3.9)/白蘭恩細（1.68）
星期一6白蘭恩勝2:1(8)
簡評：今天重心繼續推介挪威波，求賭一定好過英超