美股道指上周五急升155點，收9505，創9個月以來高位。升市原因之一，係歐美央行及有份量之經濟專家不約而同地表示，經濟已經走出衰退。美股轉強，唔少好友認為，道指後市可以反覆上試1萬點。
不過，港股近期表現偏弱，恒指已跌穿20日線，估計大市要回試50日線19200水平，今次調整才會完成。美股上周五神勇，將有助港股今日高開，最怕係內地A股唔爭氣，港股又再先升後跌。
內銀股上周進入業績高峯期，最多散戶擁躉之一的工商銀行（1398）中期賺664億元人民幣，按年上升2.9%，每股盈利0.20元，但不派中期息。
工行4.8--5元收集
有股友話失望，其實工行上市至今未曾派過中期息，有乜好失望？該股上周五微跌0.03元，報5.24元。鑑於近期港股表現一般，工行料仍要調整，可等跌至4.80元至5元才收集。
中國銀行（3988）本周四公佈業績，該股上周五跌0.03元，收報3.76元。中行都係嗰句，買貨宜稍等。
方星俠