大部份香港波友，無論你嘅足球履歷表有幾多幾長，多會投靠英超Big4其中一隊，以喺友儕間閒談、茶餐廳飲住杯凍奶茶講波時，大家投入啲；不過我再次強調，越名牌球隊，分頭往往被莊家洞悉㩒得越低，有時贏埋都唔夠輸。最重要係控制注碼嘅定力亦未必咁容易，你試吓一路睇住自己愛隊直播攻住對手，玩埋「下一隊入波」呢啲新玩意，唔經唔覺，走地盤會賭多咗，我個人對新玩意興趣不大，今天只賭一場波，再追熱刺，加注入球「大」。
一個明智嘅投注人士，不因有波睇就買多啲，熱門就賭大啲，冷門就縮注，即係你永遠喺度賭熱門；本欄只點出全日最有信心嘅場次，大家要玩過關3串4，4串5悉隨尊便，上個禮拜五晚一注洛辛堡已令我收穫不俗；今日若能成功追到本月第3口熱刺W，小弟知足本月收夠籌，國際賽後再喺聯賽重槌出擊。
熱刺W加「大」更妙
熱刺今天作客韋斯咸要讓波，對手中場比利記同侯城硬淨得多；但乘勇而臨，加上中堅京治又唞夠復出壓陣，可補後備門將古迪仙尼高度不足，我不會建議大家博「讓球」盤，寧取單W，再買入球「大」，200元分兩注，威力更強。
（下次見報日：周一）
文：Leung
簡介：不理盤路，不信陰謀論，最重勤力睇波，跟足軍情，吼準一擊。
今日精選
星期日19熱刺勝(2.2)/星期日19韋斯咸大(2)
星期日19熱刺勝2:1(8.5),3:1(17)
簡評：博「讓球」盤200元太重皮，寧加一注「大」，望收足兩注高水盤。