黃明讚從未看過音符，不知五線譜為何物，卻有個好朋友，叫做「音樂」；透過琴鍵，他閒閒哋認識了上千個朋友。楊嘉茵患有唐氏綜合症，走在街上有時被人歧視被人嘲笑，卻活得很有自信；透過粵劇，她肯定自己是個有用的人。首屆展能藝術家大賽今晚大決戰，才華洋溢的殘疾人士，化不可能為可能。
考試全部一次過關
「我好鍾意彈琴，音樂係我好朋友。」25歲的黃明讚患有先天性青光眼，小時候尚可以模模糊糊的看得見東西，長大了已幾乎完全失明。上天給他一點補償，賜予不可思議的音樂天賦，「佢兩、三歲已經識得彈琴，唔使睇譜，聽完人彈一次，然後自己摸住個琴叮幾吓，就可以彈番首歌出嚟。」黃媽媽說。
黃太是基督徒，常帶兒子到教堂，明讚聽過一首聖詩，便能演奏出來，現在已成為教會司琴。多年來，明讚一直跟隨私人老師學琴，9歲開始考試，21歲已考獲八級，而且每次都是考一次便過關。遺憾的是，明讚表達能力很弱，又有視障，樂理考試不及格。
笑說姚珏也拉錯音
母親不敢奢望兒子出人頭地，但明讚的琴藝早獲賞識，06年曾與小提琴家姚珏同場表演。媽媽說明讚一埋位就上身，冇大冇細，「佢同姚珏綵排，自己想彈邊首音樂，就要求姚老師跟住佢彈，彈彈吓仲大膽到話人哋拉錯音。」
藝術可以讓人忘憂，26歲的楊嘉茵患有唐氏綜合症，中度智障，在辦公室任助理。她說：「我有時會被人歧視，有啲人用唔好嘅眼神望我，有啲人就喺背後講說話打擊我，心裏面好唔舒服。」嘉茵卻沒有因此逃避別人目光，反而想更多人看自己。
她兩年半前加入香港唐氏粵劇團，學圓枱、學耍槍、學做手。她說自己左右不分，出台位置時常搞錯。不過每次表演完畢聽見台下觀眾的熱烈掌聲，就會相信「唐氏朋友係最叻嘅！」社工洪淑娟說，經過粵劇訓練，唐氏綜合症患者的語言能力及自信心均能提升。
黃明讚和楊嘉茵今晚都會在西灣河文娛中心舉行的「新晉展能藝術家大滙演」獻技，無論失明、智障或失聰，都阻礙不了參賽者發揮藝術潛能。比賽於晚上7時半開始，尚餘少量門票，查詢：27349009。
記者蔡元貴