鄧麗欣（Stephy）日前被確診豬流感，目前在家中隔離及休息，早前在新戲《機器俠》首映上並肩合照的緋聞男友方力申，昨日到銅鑼灣出席時裝活動時戴上口罩，問到有否檢查？小方說：「我啱啱喺大陸返，我話有同患豬流感嘅人接觸過，即場俾人叫去檢查，檢完冇事，我都唔擔心，因為我一向抵抗力強。」有人批評Stephy有病不戴口罩似欠公德，小方說：「佢都唔想，有時接咗工作唔可以唔做，況且有時未必有口罩喺身。」
徐濠縈未驚過
另外，有傳胡軍在首映上不滿焦點在小方身上而提早離場，小方表示近日和胡軍等人在內地宣傳，大家言談甚歡，並無不和。同場的徐濠縈表示日前台灣賑災騷上，老公陳奕迅（Eason）曾和Stephy接觸，他擔心康堤或被間接傳染，阿徐說：「不過我唔太擔心，因為一家人都有每日食維他命C，應冇大問題。」
採訪：林妃
攝影：陳順禎