男友唔知發乜嘢神經，早輪送咗部iPhone3GS畀我。小妹心裏面梗係開心，但表面又要扮冷淡，費事縱壞佢。但係自己諗返起，都發覺真係女人心海底針，又好似呢輪天氣咁，時晴時雨，好難捉摸。話時話，呢排行街講講吓電話，明明好天突然落大雨，搞都我收機收唔切，淋濕部新手機totallost就慘啦。
早幾日同專門代理iPhone周邊產品嘅阿鄺傾開偈，佢叫小妹唔使驚，佢公司TowervisionGroup最近引入日本品牌TUNEWEAR專為iPod/iPhone設計嘅WATERWEAR（圖），即係iPhone雨褸。佢嘅防水性能好鬼勁，即使處於10米水深30分鐘，裏面嘅物品一樣保持乾爽，蹺妙在於雙重拉鏈防塵防滲漏設計，幾大雨都唔驚。
阿鄺又話，WATERWEAR另一特點，係將部機放入袋都可以如常觸控屏幕兼聽歌煲電話粥。再加埋隨盒附上防水耳機，完全對應iPhone3GS，透過袋外3.5mm插座接合，即可內外接通，即使玩水上活動濕晒身一樣冇有怕。
阿鄺補充話，件雨褸除啱iPhone3GS，一般MP3機、PMP，甚至BlackBerryBold咁闊身嘅手機都袋得落，價錢係279元。查詢電話：25531151。
電郵：mailto:[email protected]