政府周不時搵紅星拍宣傳片，關仁啲老友傾開偈，諗唔到佢哋話平時對fans好nice嘅紅星「豬王」其實都幾難搞，佢哋話之前佢幫政府拍一條宣傳片嗰陣，就諸多要求。
威脅即走
聽個friend講，豬王幫拍嗰條宣傳片要佢喺一個商場嘅幾間店舖度拍，咁商場必然會有人圍觀o架啦，咁豬王就吩咐手下同有關人員講，如果正式拍攝時，有一個fans走過嚟叫佢簽名或要求合照，咁佢就即刻走人唔拍。佢呢個要求搞到人哋好為難，因為商場有咁多人行來行去，要阻止fans埋身真係幾難，結果拍攝時，幾乎要封舖同圍晒保安，經過呢次後，有關方面對佢印象扣晒分，諗唔到佢平時對fans咁好，背後又係另一個人。
Textby關仁
