點解老天爺咁鍾意同中華民族開玩笑，上年四川大地震，剛剛台灣又發生大風災；台灣總統小馬哥今次成為箭靶，被批評反應慢，民望直插谷底；當然小馬哥今次公關手法有問題，從政咁多年都唔學閩南話，落到南部同災民雞同鴨講；比較溫爺爺上年到四川指揮，安慰小女孩一幕，小馬哥輸幾條街。
不過公關手法係唔係大晒？小馬哥起碼肯問責，外交官因為拒絕國際援助已被炒魷，但國內呢？一個為追查豆腐渣工程嘅律師被又拉又打，連記者採訪都被屈藏毒，邊個先係真心為民，一眼睇晒。
講公關手法，車路士新領隊安察洛堤當然不夠之前摩佬咁勁，睇完何輝兄嘅英超季前分析，都覺得老將甚多嘅車仔有機會跌出前4，不過正因為車仔老鬼多，季初仲有貨交，信佢可以3連勝，貼1.45倍客W大家又點會收貨，博車仔作客富咸贏1球，敲「讓球主客和」「和局」。
上屆燈神
牽牛
近5場往績：LW///
讓球主客和：富咸和[+1]
心得：車仔老兵季初仲有貨交