曾任職保險工作幾年，由於唔係做sales，對多到無倫嘅計劃唔叫滾瓜爛熟。周二趁住放假，約咗兩公婆都做agent嘅朋友，諗住揀番個計劃保障吓。內容經過專業人士把口，硬係sell到份單無敵咁滯，幫朋友買義氣單唔容易，最緊要保障到自己，我決定諗多幾日先扑槌，煩到死。
唯一唔使諗嘅，肯定係受益人一欄，100%都會寫晒我全球最愛嘅媽子個名。成兩個禮拜冇同佢飲茶，聽日我一定早啲去茶樓搵定靚位，同佢溫馨吓先。呢期贏咗啲，醒多幾個錢佢傍身都係我至愛嘅「消費」。
上期推介漢堡好彩大勝，事關我向全球朋友發放咗「漢堡必勝」嘅宣言，否則性命難保。1.62倍W係近日玄機，諾域治贏得。
畢傑
近5場往績：WL///
主客和：諾域治勝
心得：韋甘比冇晒中場用