班朋友話月尾約埋打羽毛球，自大學之後我再冇玩過呢項運動，所以真係充滿期待。打羽毛球雖則冇踢足球咁激烈，不過勝在有冷氣凉，而且亦唔會同對手有身體接觸，冇咁容易受傷，啱晒我呢啲坐慣辦公室嘅人。除咗羽毛球，我都有玩過吓網球同埋壁球，但係可能係我冇天份，落到場執多過打，打得唔好自然難以投入，所以玩咗一輪就冇再玩。
近排黑到爆，貼乜都開對家，周中樸茨茅夫作客伯明翰受讓要下盤，睇住0:0完場，點知佢哋嘅門將占士無厘頭喺補時輸球12碼，結果咁就輸0:1。今次轉玩荷蘭波，芬洛呢支荷甲升班馬，陣中嘅日本腳本田圭佑腳風順，主場對格羅寧根一於要入球「大」。
青蛙仔
近5場往績：LL///
大細：芬洛大
心得：信本田圭佑可以再入波