經濟唔好港人慳得就慳，未有賺錢能力嘅小朋友更加要諗諗如何慳錢，小富由儉嘛。香港小童群益會嘅「未雨計劃」將70幾位第四屆小特首慳錢心得，用故事或日記形式結集成《小特首慳錢日記》，鼓勵小朋友建立正確理財觀念。升中二嘅小特首陳灝晴鍾意廢物利用，以萬字夾做頸鏈、用碎布做匙扣，多餘嘅紙同閃粉做父親節卡，慳錢得來又環保。
都係升中二嘅何昊仁就隨身帶備學生證，因為持證睇戲、食飯、打波都可以平幾蚊，佢鍾意格價，放假會同家人去遠啲但平啲嘅超市買嘢，慳錢得嚟又可以增進感情。想偷師小朋友慳錢方法，可以買本書，每本30蚊，有興趣可致電23969835查詢，八方認為高官應該立即搶購，唔好再做大花筒浪費公帑。