張敬軒噚日幫任職補習老師嘅朋友，喺灣仔出席講座，軒仔話自己英文尚算可以，同外籍人士溝通冇問題，但書寫方面就要再下苦功，佢仲話自己要學好英文，因為遲啲打算去美國深造音樂，佢話：「我想去美國讀短期音樂課程，但係要我考一個基準試先，所以間中我都會問吓呢位教英文嘅朋友，希望英文方面更加進步。」