除咗熱刺外，季初最值得提防嘅非Big4球隊係曼城；佢哋唔使打歐洲賽，全心全意要喺聯賽證明自己嘅檔次畀油王睇，今日捧佢哋贏狼隊兩球以上，開「主勝」。
英超軍情對推敲球賽勝負非常重要，上周里奧費迪南臨場稱傷缺席，曼聯賠率即見異動，街外褪熱至讓伯明翰球半/兩球高水，結果奧雲唔爭氣；但就算嗰球單刀入咗，計亞洲盤，都係驚餐飽執半格，早捧上盤者要呻笨了。做莊嘅季初開曼聯啲盤，往往笑到唔停口，其實以往好多電視或電影都以曼聯輸死人做劇本，證明呢類頂級擔飛球隊，實不宜過份重槌。
主場特勁必殺狼
今日反而要重視佢哋嘅鄰會曼城，班波上季主場贏兩球以上機會唔算太高，但5場波開到「主勝」對手最後全在下游，證明最叻大恰細；而且總計主場勝率僅不及曼聯利記，排第3，非贏即輸，全無和波，賽績相當厲害。今季曼城實力表面較上季增強，而且用咗逾億鎊擴軍，喺主場首次出場，迎升班馬、中下游貨色嘅狼隊；計鋒力，呢鋪冇理由入一粒收夠籌啩？串埋當旺嘅阿仙奴贏老樸大勝波膽，80蚊飛，何妨一試！
（下次見報日：周日）
Leung
簡介：不理盤路，不信陰謀論，最重勤力睇波，跟足軍情，吼準一擊。
今日精選
星期六24阿仙奴勝(1.18)x星期六27曼城勝[-1](1.95)2x1
星期六24阿仙奴勝3:0(6.5),4:1(17)x星期六27曼城勝3:0(8.5),4:1(17)2x3
簡評：周六大場面，玩多條2串3波膽，更有趣。