鄧麗欣（Stephy）成為首位香港藝人被確診感染豬流感，即時引起娛樂圈的大恐慌，人人自危，擔心成為下一個帶菌者。昨日是Stephy自我隔離的第二日，留在寓所休養的她即在網誌內報告病況。
豬流感肆虐全球，前日鄧麗欣成為首位香港藝人被確診感染豬流感，由於她連日來出席多個公開活動，所以她被證實受感染後，即時引起整個娛樂圈的大恐慌，藝人歌手人人自危，擔心成為第二個受感染者，現時Stephy安心留在家中作自我隔離，並會按時服藥及量度體溫。
速更正網誌錯字
昨日是Stephy隔離的第二日，由於不少歌迷對她現時的病況十分擔憂，所以昨日Stephy就在其個人網誌內發表《生病》文章報平安，並坦言事前沒想過事情會發生在自己身上，她更表示「病菌實在太厲害，反覆的發燒、咳嗽、全身疼痛、沒胃口……謝謝母親懷着無懼的精神來照顧我，謝謝所有朋友、同事的短訊慰問……希望在前幾天有跟我接觸過的朋友會安然無恙。」未知Stephy是否有病在身的關係，所以未有再三校對錯別字，她在《生病》中將菌寫成「箘」，不過未幾她便迅速更正了。
至於與Stephy情同姊妹的吳雨霏（Kary）原來三日前也發燒，Kary和森美昨日到會展出席電腦節活動，她除了在台上沒戴上口罩外，其他時間她都全程口不離罩，她說：「我有喺醫院check過，報告就冇事，發咗兩日燒，我肯定冇事先出嚟做嘢。我有同Stephy通電話，大家互相慰問，如果自己有事就會自我隔離，唔會太驚，我家每隔一小時仲會探熱量體溫。」
有兩名小朋友的森美也透露其中一個發燒，他說：「睇咗醫生，退咗燒都冇咁擔心，為工作人員同家人着想，自己返屋企都會戴口罩。」森美日前在《機器俠》首映碰見Stephy，他說：「當日唐素琪都有去睇，嗰時佢已經有啲唔舒服，佢睇睇吓仲唔舒服到走咗，其實我哋金牌大風應該改名叫做金牌傷風呢。」金牌大風發言人陳小姐昨日證實唐素琪因肚屙才提早離場，現已康復。
至於與Stephy共用同一患豬流感助手的側田，前晚有份演出在會展舉行的新城音樂會，但當晚他主動表示不接受訪問，不知是否擔心自己隨時中招而傳染給傳媒。
余文樂自我隔離
余文樂本周三與Stephy一同出席三星數碼活動，令他成為高危帶菌者，現時他沒有出現病徵，但為了安全起見，樂仔詢問醫生意見後自我隔離數天，並密切留意當日活動上的三星同事情況。
台灣方面，周一（17日）在港出席賑災騷的陶喆上周五（14日）已出現流感病徵，但沒有與Stephy碰面。
此外，無綫和有線要求曾採訪過Stephy的記者及攝影師留意是否出現病徵外，也要求他們在採訪藝人前後都消毒咪高峯，以防傳播病菌。
採訪、攝影：陳寶明、張俊銘、馬建華
Stephy網誌原文
生病
沒想過這些事情會發生在自己身上
病菌實在太厲害
反覆的發燒、咳嗽、全身疼痛、沒胃口
這刻更加感受到健康的可貴
吃過藥睡夠了
今天終於好了一點
謝謝猛烈的陽光帶給我一點朝氣
謝謝老闆送來的花籃
謝謝母親懷著無懼的精神來照顧我
謝謝所有朋友、同事的短訊慰問
謝謝歌迷們的留言關心
小小的病痛也算是一種福氣
你們的愛足已替我打敗病菌
我很快便會康復過來
大家不用太擔心！！
在此我敬祝大家身體健康
還有希望在前幾天有跟我接觸過的朋友會安然無恙。
Stephy10日內去勻港九
8月10日 活動：到紅磡出席金牌大風一周年聚餐
出席藝人、名人：傅穎、吳雨霏、方力申、張惠妹、羅志祥、棒棒堂、周筆暢、梁漢文、蘇永康（左圖）
8月11日 活動：到尖沙嘴為中國女排打氣
出席藝人、名人：國家女排成員（右圖）
8月16日 活動：到柴灣舉行簽唱會
出席藝人、名人：沒有其他藝人
8月17日 活動：到亞洲國際博覽館出席賑災騷
出席藝人、名人：陳奕迅、陳芷菁、曾寶儀、房祖名
8月18日 活動：到會展出席《機器俠》首映
出席藝人、名人：方力申、吳京、甘薇
8月19日 活動：到灣仔出席數碼相機活動
出席藝人、名人：余文樂
資料來源：《蘋果》資料室
全城熱話：莊思敏胞妹染豬流感
患上豬流感的鄧麗欣現在留在家中休息及自我隔離，但由於她在潛伏期中四出到公開場合工作，故此不少圈中人也相當關注事件。 採訪：林妃
莊思敏：我個妹莊思華兩個禮拜前都豬流感，我都有陪佢睇醫生，第二日仲要去第二度做嘢，好彩我冇任何病徵。醫生都話佢輕微，所以唔使入院。
鍾舒漫：早幾日亞洲博覽館做嘢見到Stephy，但太多人冇機會傾偈。我今日上保母車，司機同我講，之前佢係車過Stephy，不過睇報道知Stephy話自我隔離一星期。
張敬軒：16號晚Stephy有講佢唔舒服，我哋都有靠近啲傾偈。佢確診咗之後，我夜晚11點幾已經去醫院驗查，check咗鼻黏膜、喉嚨都冇事，但穩陣起見我都拎咗啲特敏褔。
黃耀明：每個人梗係要注意個人衞生，但係都會有疏忽嘅時候，不過豬流感家嘅傷害程度冇預期咁勁，仲變成好似一路會發生嘅病，所以大家唔使咁恐慌，我都希望Stephy快啲好番。
梁漢文：我估佢喺澳門拍戲出事，另外患豬流感嘅助手除咗主要跟Stephy，都有跟側田，希望側田無事，若果唔係會麻煩啲，阿田成日喺錄音室做嘢，監製同啲咪都好易有事。
曾志偉：冇事嘅，只係變種感冒菌啫，唔使大驚小怪，方力申企佢隔籬都唔驚啦。我日前先同小方同飛機去拍戲，都冇事，不過其實有感冒戴口罩係好應該。
楊思琦：佢都唔想o架，不過家都有得醫，所以唔使擔心，其實大家都應該多注意洗手同清潔，總之希望佢快啲好番